samedi 28 juillet 2018

Vetson'ny Kamboty (Tononkalo Mampalahelo)

Zoky o! Fa maninona kay isika no mijaly?
Zandry a! Zao akia ny fiainana ety an-tany a!
Zoky o! Ny antsika anie ka mafy loatra e!
Zandry a! Ka isika anie tsy afa-manoatra e!

Zoky a! Zaho zany tena noana!
Zandry a! Eo akia rano aloha sotroina!
Zoky a! Andao isika ho any amin’ny Neny!
Zandry a! Tsy mety fa bedin'ilay Ray kely!

Zoky a! Andao aloha handramana e!
Zandry a! Efa tany zaho fa voahoso boa-tanana!
Zoky a! Fa dia nahoana loatra e?
Zandry a! Aza dia mora misendoatra!

Zoky a! Zaho anie ka marary e!
Zandry a! Mangina akia fa aza mitomany an!
Zoky a! Dia inona no atao e?
Zandry a! Mivavaka sy mitalaho!

Zoky a! Isika anie ka tsisy mihaino e!
Zandry a! Ao amin’Andriamanitra ny tsiambaratelo!
Dia mino ve i zoky fa mihaino antsika izy?
Zany anie ry zandry tsy mba misafidy e!

Zoky o! Dia aona zany no atao?
Zandry a! Mandohalika sy mitalaho!
Zaho anie ry zoky ka tsy mahay an’izany e!
Zandry a! Lazao aminy daholo izay any am-ponao any!

Source: Fb/Fyantsoa

Aucun commentaire:

Publier un commentaire